徐若瑄（Vivian）噚晚去咗銅鑼灣出席其主演嘅電影《紅衣小女孩外傳：人面魚》首映禮，梁詠琪（Gigi）亦到場支持。Vivian表示，今次冇同阿仔Dalton嚟香港，唔知Vivian會唔會畀阿仔睇呢套戲呢？Vivian話：「兒子要12年後才可以看這部戲，我自己也不會再接拍恐怖片，拍攝令身心疲累，希望將來為卡通片配音，才帶他入場欣賞。」不過Vivian話老公(李雲峰)鍾意睇恐怖片，Vivian話：「這部電影他已經看過兩次，如果再叫我拍恐怖片，我不會再拍。」

講到老公，曾經有傳因為公司面臨破產，Vivian要復出撲水救老公(新聞連結： https://bit.ly/2Q74FmO )，Vivian就話：「當女人要平衡一點，不要婚後拋棄一切，愛情不是生命全部，婚後也要有家庭、事業、朋友。我計劃一直工作到老，因為身體較弱，懷孕時長期卧床，以致肌肉萎縮，要待一年多時間恢復。」Vivian仲話唔怕生BB嘅辛苦，反而係考慮要花時間照顧個仔。

梁詠琪到場支持好友徐若瑄，GiGi話：「以前唔驚睇恐怖片，o依家怕睇，老公唔會陪我睇，佢好似小綿羊，一嚇就走。」

精選娛聞，喺晒《娛果》
http://fb.com/appledailyent