林峯堂妹林夏薇，喺前年7月突然結婚，嫁畀家族擁有逾廿億上巿公司、合共19間公司，包括衍生集團和卡撒天嬌集團嘅執行同非執行董事嘅莫贊生（Jason）。喺做咗人妻之後，林夏薇最受到注目嘅，唔係佢幾時生B，而係佢個鼻。

前年結婚之後嘅一個星期，林夏薇出席一個活動，當時大家都留意佢個鼻，因為以前佢嗰個鼻，又直又大，不過嗰日佢個鼻，細咗直咗，兩頭鼻肉又少咗，某啲角度睇，仲有啲似諸葛紫岐。唔通做咗人妻連個樣都會唔同埋？

除咗個樣有變之外，林夏薇仲變得大膽，上年年尾，結婚之後佢同老公去到馬爾代夫自拍婚紗相之餘，老公同仲幫佢影咗輯火辣泳衣相，林夏薇大方地show事業線。