君臨天下最近發生既命案，搞到賭王何鴻燊四姨太梁安琪，拎住呢個市值有1億既單位即時變凶宅。一個單位兩條屍，連專收購凶宅既凶宅大王伍冠流都講明唔會要。

伍冠流話，呢幾日發生命案既單位，死者都係被殺，係屬於怨氣極深的「不正路凶宅」；而佢只會考慮僅發生自殺案的凶宅，「死者係自願去死，死得祥和。」佢仲估計三個凶宅市值最少打七折，而君臨天下肇事現場同層單位都要打折5%至10%。