姚本輝馬房「馬狀元」今朝早七點十五分由助手機坪熱身，輝哥企響欄邊全程望到實，畀完策騎指示立即趕去烽火台督操，顯得非常肉緊。「馬狀元」季初贏完兩場谷草長途賽事，之後再跑七場都全無表現，現時評分已經回落到同第二次贏馬時一樣，輝哥見獵心喜今次搵到雷神幫手，睇嚟有決心起筷。