內地劇集《許願清單》卡士唔弱，集合中港台韓泰嘅藝人參演，大陸就有鄭羅茜、台灣有汪東城、韓國有導演李昌漢、泰有中泰混血兒2PM嘅Nichkhun，而香港就有秦沛，陣容強大。

青靚白淨嘅Nichkhun係唔少人心目中嘅男神，好多人都想可以同佢有近距離接觸，而秦沛囡囡姜麗文就醒目喇，識得以探爸爸班為名，搵男神影相為實。

今日姜麗文喺微博貼咗一張同Nichkhun攬住嘅相，相入面仲有秦沛，不過秦沛個樣就好驚訝咁指住囡囡。姜麗文就話：「很明顯，我是過來探爸爸班的...沒有別的意圖…」睇姜麗文個樣仲好冧咁。

有人歡喜就有人妒忌喇，姜麗文嘅哥哥姜文杰就喺微博留言：「爸，你幾時和我的女神也拍拍戲？」過咗幾分鐘佢又話：「爸。。有一天和我韓國女神們合作的話可否也通知聲？」睇嚟姜文杰好妒忌妹妹喎。