飲酒害人，唔少足球員都因為酗酒搞到泥足深陷，加斯居尼就係一個好例子。今季英超升班馬紐卡素嘅中場馬特列治，就深明飲酒害人，所以喺兩年前開始已經滴酒不沾。不過佢喺日前被逼破誡焗飲啤酒，點解？

紐卡素喺上季勇奪英冠冠軍升班，當時班球員慶祝嘅時候周圍射香檳，但列治都仲頂得住冇飲。列治喺星期三要接受突擊藥檢，當時大約係夜晚近9點，列治一時間交唔出尿液樣本，冇辦法下唯有飲杯啤酒，快啲有樣本交啦。列治話：「為咗呢泡尿，我唯有繼兩年前結婚之後首次飲酒，平時我點都唔掂酒精，食飯最多都係飲下汽水。」