「Son姐您好，最近呢一年我經歷緊人生最大既低潮。我媽確定係血癌。我工作好繁忙，上司知我屋企情況，都算體諒我。父母得我一個女，爸爸亦年紀大冇工作，所以主要決策人係我，工作方面一定有影響。我之前事業心好重，但我發現返唔到從前可以好搏殺嘅自己，有一刻我更覺得自己身體同精神已經去到盡頭。我開始懷疑係咪我自己能力問題先做唔到兩邊完美？呢排做嘢有啲甩漏，雖然老闆都算好，但始終都會忍唔住有面口，我都明白，但少不免難受。我已經盡咗我最大努力，醫院工作兩邊走，Son姐，如果屋企人同事業，你係咪都會選擇屋企人行先？就算事業發展好可能要放慢你都會甘心？」

你的心情處境、掙扎徬徨，獨力照顧年邁的父母都不是一件輕易的事，何況是體弱重病的父母？沉重的擔子一個人孭起，有幾壓抑壓迫，有幾心力交瘁，我是過來人，一樣的情況我設身處地經歷過，我完全明白。

人無完美，有得有失有捨有得，得失取捨之間，值得不值得，只有自己知。所以，你首先要學習的，是接納自己是個人，會有極限，不可能無所不能。

你的情況與你的能力無關，是你把自己扯到最盡耗盡精神精力，家庭事業兩邊兼顧疲於奔命，你已經超越了你精神上肉體上能承受的極限。你首先要學習好好照顧自己，否則你如何有能力照顧需要你照顧的父母？

肉體的疲累，可以休息瞓覺復原。精神的疲累，只能靠自己釋放減壓，否則一直這樣壓下去的話，幾堅強的人都會有爆煲的一天，抑鬱情緒病只會令你更加痛不欲生。

雖然我明白你有幾勞累，但不可以成為你工作甩漏的藉口或理由。即使上司願意體諒包容你的情況，但公司內還有其他部門同事主管老闆，你上司如何服眾？你要保得住份工的話，就要仔細編配家庭工作的各方面種種安排。

當年我父親重病，我不惜放棄在國內投資要7位數字的新生意。沒有甘不甘心，只有問心。

張慧敏

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！