韓片《與神同行》嘅49歲男星吳達洙，近日捲性醜聞，遭網民A某於網上發文，表示吳達洙曾性騷擾女後輩演員，話劇演員嚴智英亦透露曾被吳達洙帶去汽車旅館，差點遭對方性侵。受性醜聞連累，吳達洙被踢出tvN新劇《我的大叔》，已拍攝的韓片《與神同行2》亦要刪其戲份及重拍。

今日，一名自稱係吳達洙好友嘅人，於韓網留言力撐吳達洙，表示二人係相識35年嘅朋友，佢心痛好友因輿論壓力而倒下。該好友指吳達洙於早年曾遭其他演員欺負，係被嫌棄生得醜嘅失敗者，唔認為吳達洙當時會有向陌生女性討便宜嘅能力，因此相信吳達洙係無辜。不過唔少網民就認為該好友只係盲目撐吳達洙。

更多韓流，喺晒《娛果》
http://fb.com/appledailyent