荷蘭名帥雲高爾自從同曼聯分手之後就一直失業，唔通佢打算退休？雲高爾日前就出嚟闢謠，話其實自己仲有market，德甲利華古遜亦曾經向佢招手，不過礙於「非大會不教」嘅原則而最終拒絕咗。

對於點解仲未出山，雲高爾話：「我收到利華古遜嘅offer，呢份工係為我度身訂造，同埋佢哋擁有好多後生仔。」雖然講到個offer咁吸引，但雲高爾最尾都冇要到。點解？因為利華古遜唔係大會！

其實多蒙特啱啱先炒咗教練保斯，仲搵咗前科隆教練史度基做替身。但雲高爾就對呢份工冇興趣，仲嫌棄對方係細會，佢話：「我認為多蒙特同拜仁慕尼黑根本冇得比，所以不了！今時今日作為一個教練，你唔會有好多時間，所以我冇能力將一間細會變成大會。」

--------------------
球迷一定要知！英超一哥曼城，已經登陸​『BFB​』​！登入即送藍月球星： http://bit.ly/2AAiPDS