有線電視旗下嘅免費電視頻道奇妙電視，今日獲發本地免費電視節目服務牌照，牌照有效期為12年。

曾經先後效力過無線、亞視，今年4月加盟有線主持娛樂新聞節目嘅劉家聰，接受《蘋果》訪問就表示：「當然係好事，對行業多咗一個出路，版塊增大咗，大家都有工開。對公司嚟講都係好事，可以令睇到有線嘅觀眾更加多。（會唔會同奇妙台有合作？）暫時未收到消息，但係我自己期待每一個機會。」

為ViuTV拍攝《同2047特首上學去》嘅鄒凱光就話：「幾好呀，證明香港仲有啲生氣，好緊要㗎，對未來嘅香港係好緊要，o依家嘅氣氛咁混濁，鹹、淡水大家都未適應到，不過好快就適應到，鹹就鹹、淡就淡，之後會清澈好多，後生好知道做啲乜，建設香港係靠佢哋。」