懷孕快五個月嘅Cara.G，今日同徐淑敏(Suki)、陳佐洱女兒兼香港海洋公園保育基金主席陳晴，及乒壇名將張怡寧今日喺數碼港出席「生態保衛賽」慈善跑。CaraG.話未知係仔定女，雖然依家有個女，但佢都想再生個女，可以用家姐嘅嘢。

Cara.G指呢胎陀得較第一胎辛苦，佢話：「又攰又成日嘔，醫院都入過兩次，所以屋企人話呢胎係仔。」又表示胃口全改變：「我係素食者，但依家會食少少肉，生完先食素，而且我依家好鍾意飲橙汁、食鹹嘢，口味變晒。」

講到預產期係七月，但Cara.G話唔會減少工作，佢認為喺香港養小朋友好貴，所以會搞個online生意，賣佢設計嘅用品，懷孕及健康餐單。