女新人丁悅（Tiffany）最近忙於籌備第二張個人大碟，其中一首作品，係演繹趙傳《我是一隻小小鳥》，備受好評，讚佢唱功有進步。

丁悅日前趁唔使錄音，佢就去到濕地公園親親大自然，又想睇吓雀仔。丁悅帶齊長鏡頭、靚相機及望遠鏡等，希望捕捉到小鳥自由嘅神態。

丁悦到達濕地公園時，心情興奮，更哼住《我是一隻小小鳥》，當佢拍得好開心時，突然「咿嘩鬼叫」起來，原來佢見到螞蟻走動，丁悅咁鍾意雀仔，點解見到螞蟻會驚驚豬呢？佢解釋自己有「官能恐懼症」：「當見到好怕嘅嘢時，就會好恐懼，會忍唔住尖叫，因為我好驚螞蟻，見到會毛管戙，好似被螞蟻纏身。」