戴祖儀今晚現身青衣擔任電競活動嘉賓，穿短裙騷長腿的她更親身落場試玩。自認對打機有天份的戴祖儀，從讀書時已經開始打機，直至到英國讀大學時，可說是最沉迷時期，皆因當時無王管，加上不是每天有課堂，所以三五知己經常聚集打機，試過朝早八點打至晚上八點，小睡過後再打。

戴祖儀指自己現在已收斂不少，可能在工作與工作之間的時間玩，問到可有計劃參加電競比賽？她說：「近排做多咗相關訪問，知道原來贏一場賽事嘅獎金好和味，有機會都要偷吓師，學打機。」

講到駕駛，原來她剛剛考獲駕駛執照，原本認為自己能夠一次合格，最終要考到第三次才成功，她無奈說：「我到而家都未試過自己揸車，之前Daddy陪我練車，點知我誤將刹車踏錯油門，好彩當時係空波，唔係撞埋前面架跑車度就弊。」自從那次爸爸被嚇到，之後便再不肯陪她練車及借車給她。

-----------------------------
7月4日起 《蘋果動新聞》只限升級壹會員閱覽
繼續撐蘋果！