睇《TheMatrix2》見到三星部P408個型爆廣告，恨到流晒口水，點知直到早個星期套戲都就嚟落畫，部機先姍姍來遲有貨落場，由於貨源唔多，個價一炒就炒到上$7,500，依然有人要，近年都相當少見。不過今個星期水貨同行貨都返晒貨，供應相當充足，所以價錢就落到合理水平，冇之前炒到咁離譜，隔咗一個禮拜，相對於高峯期就跌咗成二千幾蚊，𠵱家水貨同行貨價錢都維持$4,600-$4,900，叫做合理好多。想玩擰擰Display、影相、65,000彩芒、40和弦手機嘅用家，如果之前唔捨得買，𠵱家係時候郁手啦。