【仙氣女星變媽媽】李心潔生完孖B冇走樣 徐若瑄極速修身靚爆鏡
仙氣媽媽湯唯謝安琪李心潔徐若瑄
「仙氣」呢家嘢真係可遇不可求,就好似林嘉欣咁,當年成出道時仲未有「仙氣」呢個term,不過佢絕對係當時最有氣質嘅女星之一。轉眼間今年已經38歲嘅佢已經係兩女之母,不過都仲係咁風采依然,除咗佢之外,仲有邊啲位「仙氣」媽媽呢?
李心潔
今年41歲嘅李心潔18歲喺台灣憑組台少女標本出道,個人發展之後做轉戰拍埋電影,以拍攝一系列嘅驚慄電影聞名。佢喺2010年同導演彭順結婚,雖然佢哋中間經過婚姻危機,不過最後都重修舊好,去年仲幫老公喺吉隆坡誕下雙胞胎囝囝。做咗人母嗁李心潔不時喺微博post近照,見到佢亦都生B前一樣咁有「仙氣」。
徐若瑄
前年誕下囝囝Dalton嘅徐若瑄,當年絕對係紅遍亞洲,佢喺2014年同新加坡富商李雲峰結婚,於其懷孕時因胎位太低、子宮閉鎖不全甚至出血,要長期卧床,徐若瑄更要每天服10多粒藥,先後亦捱了300口安胎針。而囝囝出世後,徐若瑄無需長期卧床,仲極速修身,o依家41歲嘅佢仲不時會接幕前工作o添!
湯唯
因為電影《色,戒》成名嘅湯唯,除咗演技之外仲非常都咁有氣質,佢喺2013年同曾經拍攝韓國電影《晚秋》嘅韓國導演金泰勇拍拖,仲喺翌年結婚,喺去年8月仲誕下囡囡Doris,去年佢為支持李安嘅新戲,仲產後首度公開現身支持,37歲嘅佢仲風彩依然o添!
謝安琪
被喻為係「高登女神」嘅謝安琪,06年宣布懷有三個月身孕,之後同老公張繼聰奉子成婚,謝安琪雖然已經做咗人妻兼人母,不過仍被網民封為「高登女神」,可見佢幾咁有氣質,去年承認陀住第二胎嘅佢,不時被影到同老公外出,而粗身大細嘅謝安琪都仲係咁有氣質。