資深地產分析員張一鳴表示，樓市持續乾升，極少的二手成交個案，造就樓市向上的假象，根本上缺乏成交量支持。他舉例：「北角一個新盤呎價逼近6萬元，隔籬業主一聽就心雄，令到樓市好似升咗！但實際上，二手樓賣唔賣得出去呢？係賣唔出去㗎嘛。朋友有荔枝角美孚新邨一個中小型單位，唔算係豪宅，放盤超過一年，叫價是市價，但無人來問價，等了超過1年也賣不出，目前個價根本係虛！」

他稱，目前大家無法估計樓市升浪結束、調整或大跌的誘因，畢竟全球中央銀行放心撐住資產市場持續上升。在這些下跌誘因未出現前，未來一年，如果誘因未出現，樓市將繼續乾升。他續稱：「誘因一出現，樓市就大跌，所謂誘因是『黑天鵝』或『灰犀牛』，唔係講供應，一定係宏觀因素。過去本港樓市每次大跌都係宏觀嘅野，例如八九六四、原油危機、金融風暴，唔會話因為加息加半厘、供應多咗1萬，一定係大鑊嘢！目前美國減稅會否引致資金回流美國？中國超高的槓桿情況如何收科？呢啲就係存在風險。一旦出現，樓市大跌，跌幾多，視乎誘因威力，情況好似手榴彈與核子彈，威力可以差天共地。而家可以肯定，樓市非常唔健康，大家係度等。」

蘋果財經，關心你飯碗
http://fb.com/appledailyatm