自「安心偷食」爆出後，30歲黃心穎潛水8個月，日前由美國回港，聲淚俱下表示終於可以返屋企，又指今次回來只是見家人，之後就急急腳返回以前的「愛巢」鯉魚門寓所，足不出戶，連冬至亦是父母及家姐黃心美到她家中做節，家人準備盆菜及湯丸等美食，以為黃心穎會低調過聖誕！

近日黃心穎在IG頗活躍，由身穿睡衣短褲開心佈置聖誕樹，到昨日平安夜仍貼出坐在聖誕樹前的單人照，每一張相均可見她悉心選擇角度及調色，流露幸福笑容，而家姐黃心美亦有更新IG，貼一張她和媽咪一左一右啜黃爸爸面的溫馨照，而相片明顯在心穎家中拍攝，甚至相信由未有入鏡的黃心穎負責攝影。

黃心穎今午貼出她家姐的愛犬照，相中見愛犬穿上醜毛衣（Ugly Christmas Sweater），黃心穎開心留言「Why am I dressed as a pumpkin for Christmas？（為甚麼我在聖誕節要打扮成南瓜）」。

有傳TVB有意「放生」黃心穎，一眾無綫藝人張名雅、莊思明、張彥博、蘇韻姿及呂慧儀等亦有like黃心穎的IG留言，她的留言字裏行間暗示收復失地，又祝大家聖誕快樂，指「大家在聖誕節都會再次變成『孩子』」。有大台再次幫她，讓她的新劇《丫鬟大聯盟》緊接《多功能老婆》播出，無綫高層樂易玲亦回覆傳媒表示目前先讓心穎休息，給時間她陪家人，過完聖誕再傾工作的事，翻生有望，黃心穎當然可以安心過聖誕啦！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此