意甲嗰邊都有場波好抵買,主隊博洛尼亞個W有成3.05倍,今場迎擊費倫天拿絕對有得打。事關博洛尼亞啱啱簽入嘅奧斯華度絕對係件好嘢,處子登場即刻倒戈費倫,唔使講肯定對前球會還以顏色;唔好唔記得博軍仲有廸華奧呢位當勇射手,佢𠵱家入咗15球,喺意甲暫排射手榜首位,主場之利加上單W逾3倍,真係好抵博,記住買埋6.5倍「主/和」。
最後一關,揀咗葡超拿華作客贏馬里廸莫,4.5倍W可以一試。馬里廸莫近期攻力唔算標青,上季主場都輸過0:1畀拿華;至於拿華勝在攻力唔錯,上場葡盃雖然輸3:5畀費利拿,但都叫做入咗3粒,贏馬里廸莫唔奇㗎!文:畢傑