陳柏宇今日喺上環出席手機發佈會，佢就講明自己係鍾意追捧新科技，一啲都唔慳，柏宇話：「太太都唔會阻止嘅，以前會浪費啲，電話、電視、遊戲機都會追，o依家大個仔，應使則使，但有啲嘢都唔會慳，啱啱搬新屋，係租嘅，但係啲傢俬、裝修都唔會慳，因為日日對住，用咗10幾萬。」但佢就呻笨話：「用咗纖維地板而唔係換磚地，搞到寵物行嚟行去有嘈吵聲，有啲煩。」

新居安頓好後，柏宇o依家就會專心為演唱會準備，講到啲飛債，佢話：「要落嘅都落晒，其餘飛債就由公司決定。」問到啲飛賣得好，會唔會諗part 2？柏宇就話：「已經冇得加場，下年啦，冇所謂，有得開就得，乜嘢地方都得。」