今日重陽節，賭王四太梁安琪同女兒何超欣及兒子何猷亨，到摩星嶺昭遠墳場掃墓，盡表孝心。

下午約2點45分，四太同超欣先行到達，猷亨乘坐四太嘅「AS303」座駕現身，雖然有司機駕車，但車上掛有新手P牌。四太由墳場職員帶領下拜祭，穿上短裙及高跟鞋嘅佢健步如飛，曾被賭王稱讚係最靚何家淑女嘅超欣，未知係咪怕曬，戴上cap帽、墨鏡同口罩。

日理萬機嘅四太全程拎住手機，又自備保溫瓶邊行邊飲，而一行三人逗留約十五分鐘離開，四太見記者即禮貌打招呼，但未有受訪，上車離開前亦與記者講拜拜。超欣同四太同車，而猷享由司機駕著掛有P牌嘅座駕離開。