符致逸今日喺商台宣傳首支廣東歌《無非一聲掰拜》，佢話同林夕合作好開心：「自己想寫啲獨特嘅愛情觀，佢一俾初稿我，已經完全唔需要改。」

不過向來唱開國語歌嘅佢，笑言要錄廣東歌反而有難度：「自己啲咬字都比監製話，於是聽好多林子祥同陳奕迅嘅歌練習。可能我嘅音樂比較西方，所以唱起上嚟都唔係好習慣，聽番自己唱廣東歌把聲都怪怪地。」

新歌講情侶間遇到矛盾係好正常嘅事，問到佢而家有冇拍拖？符致逸話：「o依家冇拍拖，都好想識番個女朋友。其實自己鍾意香港女仔多啲，最緊要係有默契，大家溝通到。」

佢又自嘲唔係浪漫嘅人，接受唔到叫女朋友做「BB豬」：「唔得唔得，我覺得拍拖最緊要公平，自己以前都做過公關，同好多女同事相處，所以學識點樣同女仔溝通。就算以前同女朋友嗌交，只要大家係為咗段關係好，反而係好事。」