美國樂壇天后麥當娜（Madonna）近日為同英國導演前夫基里奇（GuyRitchie）爭奪兒子Rocco鬧上法庭。

據《紐約每日時報》報道，麥當娜噚日現身曼哈頓法院指控Rocco唔肯返紐約，要留喺倫敦跟基里奇生活，佢要求前夫立即將兒子送返美國。未有出庭嘅基里奇派出代表律師發表立場，表示Rocco已經表明厭倦陪娜姐周圍飛，唔願回到美國，想聖誕陪老竇過，不過當被法官問到基里奇有冇意圖阻止Rocco返美時，其代表律師就答：「實際上有。」

最後法官下令Rocco返回美國，先陪媽咪過聖誕，再解決佢希望同邊位父母生活嘅問題。