王梓軒、陸詩韻、李日朗等今日在荃灣出席手錶活動。王梓軒表示專程支持手錶品牌老闆沈慧林：「以前我出歌，佢都有同我crossover過，今日嚟睇吓佢可唔可以支持我年尾個演唱會。」

他透露最近與薛家燕齊齊為卡通片配音：「個故仔嘅主角係貓貓，我就聲演大約七歲嘅貓貓，不過大家一聽我把聲就知我唔似啦，最後我都冇鍊住把聲，用真聲去聲演，放心唔會怪嘅，隻貓唔會變咗『佬』聲。」

問王梓軒是否只對住緋聞女友石祐珊才會聲線溫柔？他說：「我對住佢粗豪啲，因為十次開會有八次都嗌交，私底下仲少交流，佢好忙㗎。」他透露近日又忙於為年底舉行的演唱會操肌：「而家學緊電影動作，當係training嘅一種，第時都會有用。」至於早前公開邀請張敬軒擔任個唱嘉賓，王梓軒說：「全靠你哋講完，軒仔叫我知道詳情再同佢講，佢好supportive。」

同場的陸詩韻透露因為命格與手錶不合，因此很少戴錶：「但係我會買錶作為投資，得閒就拎出嚟睇吓，上吓鏈，我買嗰陣好平，最貴嗰隻都係近六位數。」她表示睇相師傅建議她多用紅色，識男朋友最好有「木」字：「姓林同姓楊都旺我，不過唔通一識人就問佢係咪姓林咩？參考吓囉，得啖笑。」

採訪：盧妹

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9

-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X