錢嘉樂同湯盈盈兩公婆，今日掉低個乖女一陣，喺荃灣出席「關愛•大態貓閉幕禮」，同場仲有陳明恩同胡鴻鈞。

嘉樂表示最近請咗一個新菲傭，大家相處十分融合，所以好放心將個女交俾佢照顧，嘉樂聲音沙啞咁話：「最近拍近戲，成日要嗌，拍完之後都要投入準備演唱會，咁多個之中我唱歌經驗最少。」咁到時五個古惑仔另一半係咪都會上台？嘉樂話：「睇下其他阿嫂上唔上喇，如果唔配合演唱會就唔好突登上。」

盈盈就話物色緊小朋友耳塞，因為想帶埋個女睇演唱會，小春都希望囝囝可以捧場，佢話：「如果搵到會幫小春買。」盈盈又透露稍後將復出拍攝無綫賀歲劇。