煲呔新年前不惜違反承諾,聲稱以應付金融海嘯為由,押後原本在上半年展開的政改諮詢,結果除換來泛民新年頻頻為他「開年」外,據悉,民主黨已準備在立法會復會後第二周,動議強烈譴責煲呔沒有實踐在施政報告內許下的承諾,拖延政制發展公眾諮詢,失信於民。事實上,雖然政府聲稱要集中精神應付經濟問題,但原來即使在部份建制派眼中,政府的經濟措施亦乏善足陳。
自由黨三位立法會議員昨日與傳媒茶敍時,就多次炮轟政府只懂向市民發出預警,指第二波金融海嘯即將殺到,但同時卻「唔做嘢」,「連救生衣、水泡都冇個」、「成日只係口噏噏,但係一啲都唔實際」。該黨方剛更以發叔早前求到的下籤「內有家鬼」一句暗寸政府,笑指:「我哋不如燒啲嘢畀隻鬼,等佢做吓嘢啦」,對政府可謂絕不客氣。