上一代問題，好多時都會牽連到下一代。卓林除了與成龍有着不可分割的血緣關係，還有一位同父異母的哥哥，房祖名。

有傳祖名曾相約卓林食飯，又幫口助吳綺莉購買大坑豪宅。卓林否認說：「冇咁嘅事，我唔識佢，我同你(祖名)有血緣關係，同陳生一樣，I don't know you,I don't hate you.I don't love you.我對佢冇任何感覺，我只係知道佢存在，就係咁。」

早前卓林將fb改為Etta Zen，有指她要跟父姓，改姓陳，卓林解釋：「我從來冇姓過陳，我想真係有一個自己嘅identity，係令我提醒自己冷靜。Zen（禪）呢個字係一個提醒，我想自己冷靜，我需要心境平和，以前嘅我因為發生過嘅都太過衝動、太過情緒化，過往一切都深深的影響到我，我需要將以往嘅一切都放下，包括我從小被教導嘅好多事，以及我心靈創傷後學會嘅。本來受傷嘅心靈，我正在癒合。」

記者指成龍本來姓房，叫仕龍，卓林聽得一頭霧水，笑言：「我真係唔知。」問覺得自己像爸爸多一點，還是媽媽多一點？她望一望身邊的Andi問：「我唔知我似咩樣呀！」Andi說：「You look like Etta.」卓林好滿意這答案，沾沾自喜﹕「I look like myself.」

採訪﹕嵐山、黎沐風
攝影﹕陳俊強
攝錄﹕廖達燊、仇志中

精選娛聞，喺晒《娛果》
http://fb.com/appledailyent