阮小儀自離開大台後，工作與收入有增冇減，繼為香港開電視主持新節目，今天她又亮相ViuTV，為節目《今晚趁熱食》擔任嘉賓，被笑指食兩家茶禮，小儀說：「又唔係嘅，咁樣先健康，喺唔同台同唔同嘅人合作，有唔同火花，咁樣幾好。過往只可以同一個台嘅藝人合作，而家冇咁困身，有好多可能性，好多嘢玩。」

問她是否也多了收入？小儀笑說：「啱啱先離開TVB剛剛起步，陸續都有project傾緊，離開咗收到好多監製電話，咁又冇10個咁多嘅，我個人意願係希望可以喺Viu開一個節目，因為有時睇Viu嘅節目，自己都磨拳擦掌，想一齊參與。」至於想參與甚麼類形的節目？小儀說：「都係玩嘅居多，唔通搵我做淑女咩。」那希望跟誰合作？小儀說：「知道金剛個旅遊節目好成功，我哋曾經合作過，都容易擦出火花，會諗吓再合作有乜可能性，我又有睇播緊嘅《中佬唔易做》，睇到流晒口水，我覺得可以做返個中女或熟女唔易做，可以搵梁嘉琪、張紋嘉（Crystal）呢啲咁上下年紀嘅人做，會好好玩。」

採訪：羅慧敏
攝影：林賓尼

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新