33歲金曲歌后徐佳瑩（Lala）上個月宣佈同導演比爾賈結婚，當時LaLa話兩人有11年嘅閱歷差距，但自己就比老公有早11年結婚的膽識和幸運。

公佈喜訊當日，LaLa只係貼咗一張兩人剪影相，恩愛程度比起今年6月LaLa喺台灣金曲獎封后，二人喺台上擁吻來得低調。

原來LaLa同老公噚日已經舉行家宴同雙方親友食過飯，仲喺ig首次貼出咗兩人婚照，新任人妻人夫只着住簡單婚紗同禮服，冇特別奢華裝扮，婚照上又寫上「百年好合」，意頭嘢做足。LaLa今朝又喺ig貼相，佢得到蘇打綠成員吳青峰送字「姻緣天註定」。

LaLa突然宣佈喜訊，上個月已經傳過佢係雙喜臨門，噚日佢嘅唱片公司再次解釋，呢次宴會係同家人食飯所以低調舉行，而LaLa於12月將會喺台北同高雄開三場演唱會，暫時準備開騷，冇人咁快造人喎。

精選娛聞，喺晒《娛果》
http://fb.com/appledailyent