【師兄你點睇】我個人深愛 一匹我自己騎過的馬!(賴維銘)
賴維銘深愛吳文輝師兄你點睇葵涌精英
記:常言道跑馬跑評分,剛周三「醉開心」及「又係熊」就係減夠分打開勝利之門。
今日(21日)沙田第四場四班1400米「深愛」你騎過跑第三,那時61分,目前50評分已跌至低位,能否作出反彈?
賴:「深愛」有一定競賽能力,好肯追馬,可惜成日差少少與頭馬緣慳一線,服役一出即勝後屢戰不再捷,甚是無奈。
此駒一直出賽正常,相信健康良好,今季初跑兩場谷中1000米稍短,上場增程跑1650米,亦是我騎此駒參加的路程。
「深愛」性能流於均速影響後勁,今次轉到沙田跑1400米,可能是目前最合腳法的路程,本身唔一定要留到好後,今次排4檔理想,進可攻退可守。
同場好似好多對手,但仔細睇落各有缺點,「深愛」有潘頓之助,加上各方面條件配合,希望可以勝出久違了的頭馬。
記:巴度今季重臨表現甚佳,加上有幾位騎師離開,相信可保持好演出。
賴:冇錯,此子連日發揮都唔錯,令我對第三場五班1200米草地賽的巴度座騎「葵涌精英」更添信心。
此駒最近兩場換上巴度俱得季軍,採用留前鬥後跑法,效果唔錯,上仗因應外檔,起步不久已叠埋心水,留到最後走入內欄。
雖然咁樣可減少蝕腳程,但谷中1200米咁跑,要贏真係唔容易,最終追得第三名已收貨。
「葵涌精英」試過擺前走,今場排4檔出閘可以更主動,能力及客觀條件俱佳,而巴度手風順,亦值得捧場。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
點擊即可免費睇相 -------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 -----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇