張建聲要戒酒保健康嗌難搞:做呢行成日要應酬
MT_娛樂張建聲醫館
張建聲(Justin)今日在尖沙嘴為有份投資的醫館主持開幕張儀式,張建聲笑稱自己還有一個身份:「其實我都係用家之一,因為我喺打泰拳嘅過程,成日都會整親、又扭親手,我嘅泰拳師傅就介紹依家呢個醫師partner畀我,我睇咗幾次覺得OK喎,咁啱佢哋又諗住搬地方,所以咪入細股,大家開開心心,又可以幫吓身邊啲藝人朋友。」
雖然張建聲表示自己有睇中醫和跌打的習慣,不過見到他身上傷痕纍纍,左腳的小腿部位更貼上一大塊紗布:「呢啲係之前焗汗帶畀我嘅濕疹同汗疹,而家食緊中藥,右腳又扭親,真係久病成醫。」在旁的醫師partner笑稱張建聲最差的並不是腎而是肝,所以不用戒女色,反而要少飲酒,張建聲聞言則說:「我哋做呢行有時要去應酬,真係冇辦法,私底下會盡量避免。」本月底就會替ViuTV拍新劇,他稱現在正努力減磅:「目標係減20磅,依家都減咗8磅,不過可能減得太快,去咗平台期,要捱過多排先再有回落。」
張建聲早年跟王宗堯拍戲時,要增磅現大肚腩。(資料圖片)
-----------------------------
-----------------------------