衛志豪有份拍《街坊食神》，正與金剛、小儀及傅嘉莉身在大阪附近嘅姬路進行拍攝，佢透露今早日本時間今早7點59分聽到警報，佢今日回覆傳媒時話﹕「我哋今朝起身喺酒店feel到震，但唔係震醒先，因為日本有警報，手機好似救命鐘咁響，嚇醒我哋，跟住先至震。我哋係大阪姬路震咗3、4秒左右。」

問到遇地震一刻有乜反應？衛志豪話﹕「因為係紮醒，所以唔識反應。震完起身以為鬧鐘。但諗諗吓唔係，講日文嘅，就開始震，震完開始驚，驚之後望出面街，但見到出面街嘅人好平常，冇事，因為實在太攰，所以都照瞓番。好彩呢邊唔係太利害，但真係第一次feel到真係震，同埋喺酒店裏面搖。」

衛志豪話唔會提前返港，佢話﹕「唔會，剛嚟咗兩日，拍攝要繼續做準備及繼續前行。」
而金剛亦有喺ig story留言，話自己冇畀地震嚇醒，反而係被手機提示聲嘈醒。

精選娛聞，喺晒《娛果》
http://fb.com/appledailyent