藝人歌手平時工作忙爆，經常做「空中飛人」，有時都要隔一段時間先可以同屋企人相聚，佢哋自然份外珍惜同家人相處時刻。

好似台灣歌手王力宏及蕭敬騰，今日凌晨都喺微博貼同家人聚餐照片，難得可以同家人食飯，力宏亦幸福寫道：「在家吃媽媽煮的菜，無價﹗」並擺咗一個為食表情圖案。

至於金曲獎歌王蕭敬騰，亦喺微博貼全家福，佢簡單寫道：「蕭...family」而蕭爸爸就戴住帽，着住吊帶褲，都幾搶鏡喎。