當年今日
關於我們

【娜姐第2場】拍拖睇concert任達華為娜姐遲開騷護航

蘋果日報 2016/02/18 06:00

麥當娜任達華娜姐琦琦第2場遲開場

娜姐麥當娜第一次嚟香港開騷只此兩場,今晚嚟到第二場即刻last一場,唔少名人明星都把握最後機會。好似任達華同太太琦琦都有份嚟朝聖,佢仲為娜姐遲開場護航。

華哥一嚟到就講笑咁問記者:「今晚唔知幾點(開場)呢?」記者答佢噚晚係十點幾之後,華哥就話:「好開心!係香港人嘅驕傲,香港嘅夜景實在太靚,我諗麥當娜覺得太早完show返到去唔知有咩做,所以噚晚呢就啱啱好,返到去可以一邊落妝,一邊睇吓夜景,同埋日頭喺露台個景冇咁靚,所以夜晚就啱晒。」兩公婆拍拖睇騷唔帶囡囡,太太琦琦就話囡囡唔啱睇,反而華哥就鍾意咗麥當娜好耐,佢啲音樂好前衛、好革新,57歲個身材都仲keep得好好。自已係第一次真正入場睇演唱會,而琦琦之前已經睇過。

唔知娜姐係咪聽到華哥幫佢解畫,今日竟然比噚日早成個幾鐘開場。