資深電視人李道洪接受新城電台薛家燕主持嘅《開心家天下》訪問，二人回想首次合作係喺1974年一齊登台，但未曾有機會喺同一電視台演出。

李道洪話今次返香港將與高志森、李力持傾新合作，佢話：「同高志森可能會翻拍《我和春天有個約會》電影版，我會兼任監製同演出，而李力持做好多教育電影工作，我喺上海都有教後輩關於電影工作，大家可能會傾合作。」同時，李道洪又指同大台傾緊，有機會返嚟幕前拍劇，佢話：「演戲會上癮，如果有適合角色演出，我一定帶埋飯盒返嚟。」

對於亞視未獲政府續牌，曾任亞視資深演員嘅李道洪就話：「我哋一直有保持聯絡，中間有好多原因，但亞視唔應該停，而香港嘅電視台好特殊，佢哋自己會包辦製作同養演員，同外國好唔同，韓劇都係製作公司製作，然後賣畀電視台。」