Gin Lee(李幸倪)噚晚出席「新城勁爆頒獎禮2016」慶功宴，講到佢係大贏家，佢話好開心，因為努力咗一年，係一個好大嘅鼓勵，同係大家對佢嘅肯定，因為前兩年經歷咗人生嘅低谷，直至今年加入新唱片公司，啲歌開始受到歡迎，係一個好好嘅總結，令佢更有信心向前行。

首張樂壇成績表，Gin Lee就能打敗好多女歌手同前輩，攞到女歌手金獎，佢就好謙虛咁話：「好多謝大家支持，我今日父母都係現場，做咗咁歌手咁多年，父母都好擔心我，希望我可以出人頭地。」問佢可覺現時已經出人頭地時，Gin Lee佢就笑話仲有好大進步嘅空間，至於有指英皇歌手缺席，造就咗佢今次攞咁多獎一事，佢即話：「我唔知，每一個獎都有機制，我只係做好自己，專注喺音樂上面。」最後Gin Lee都話對自己嘅努力好有信心，對唱片公司都有信心。

問到一攞獎就攞女歌手金獎，會唔會好大壓力？Gin Lee話：「我做音樂唔係為攞獎，只希望自己嘅音樂能夠感動到大家，我對自己要求都好高，有冇獎攞都會好大壓力。