【進軍Bollywood】陳欣妍的士咀印度男獻螢幕初吻 張建聲緝拿抽水真兇
蘋果日報 2020/09/10 18:29
陳欣妍我男朋友係好差成家宏Bollywood
陳欣妍（Shirley）化身印度西施拍攝一部港產Bollywood電影《我男友係好「差」》，與一眾印度人合作，講述香港女性遇上印度男性並成為戀人，電影還有香港演員張建聲、楊卓娜、張沛樂、喬寶寶等演出，今日在尖沙嘴進行宣傳活動。
陳欣妍認為印度西施唔易做，雖然穿上傳統民族服飾後外觀美麗，但她要作出犧牲：「因為件衫好緊，每次都驚「唧」啲肉出嚟，所以次次都會問導演幾時拍，拍之前就唔食嘢。」更笑言希望藉此打入Bollywood。與男主角成家宏（Karan Cholia）有親熱戲並獻出螢幕初吻：「我哋喺的士有goodbye kiss，男友都知道。」又讚印度男性好靚仔，輪廓深，留鬚好有型。
男友沈震軒昨日透露即將飛上海、蒙古拍劇，需要隔離，陳欣妍一臉尷尬不知道男友去向，最初還說：「好似年尾，有工作咪好囉。」隨即惹起分手疑雲，她即解釋：「冇嘢，我知道佢返大陸但我哋好少講工事，見面係做運動同健身。」否認缺乏關心男友，相反沈震軒卻視女友陳欣妍為結婚對象，不擔心工作分隔異地影響感情，陳欣妍說：「我都唔驚，我哋拍拖好穩定有共識，同樣視對方為結婚對象，現階段一齊打拼事業為先。」
張建聲有一場solo跳舞場面，他自覺有天份：「我梗係得啦，細細個就睇generation next。」早前張沛樂（沙律）曾公開試戲時遭博懵，張建聲成為嫌疑人物，他說：「捉佢出嚟打死佢。」今日沙律突然缺席活動，是否被他嚇怕？張建聲說：「唔好亂來，高抬貴手，《作家的謊言》同《向西聞記》都有同沙律間中同場，手仔都冇拖過，上次都鼓勵佢開名，捉條友出嚟，唔可以放過呢啲借電影做惡行嘅人。」並自稱「道德X」上身。
張建聲因扁桃腺發炎服食類固醇藥物導致肥腫難分，因9月要開拍電視劇積極減肥，打拳5日減了6磅，目標可以落到15磅，太多怕頂唔順，始終年紀大。
陳欣妍化身印度西施，與男主角成家宏（Karan Cholia）談戀愛。（蘋果日報）
Shirley 說傳統服飾很美，但每次都要擔心穿起後會唧出肥肉。（蘋果日報）
Shirley 讚印度男性好靚仔，輪廓深，留鬚好有型。（蘋果日報）
張建聲會有一場獨腳跳舞戲，他覺得自己有天份。（蘋果日報）
今次電影是港產Bollywood，有好多南亞裔演員，亦會載歌載舞。（蘋果日報）
（蘋果日報）
岑珈其
-----------------------------
《蘋果》英文版免費試睇：了解更多