紅遍網絡嘅「巴基之星」今個禮拜日又出賽，有一匹咁好嘅明星馬告東尼當然特別重視啦。今朝早七點二十分左右「巴基之星」由蔡明紹喺大圈快跳，告仔喺飛機坪出口落柯打，跟住到烽火台用望遠鏡昅到實，最後又返飛機坪接馬，全程跟出跟入。「巴基之星」已經兩戰兩勝，今次升上二班跑千四米三捷應該冇難度。