韓國歌手因為唱得跳得，樣又得而成功喺亞洲打響旗號，而其實佢哋身邊嘅工作人員亦都唔少嘢。

近日有網民就公開一段女團APink為音樂節目綵排嘅片，當中成員恩地因為有個人工作在身而未能出席綵排，佢哋嘅男經理人竟然親自上陣，上台做「恩地」，同組合一齊跳舞綵排，男經理人最厲害嘅係，佢唔只記得晒成首個嘅舞蹈，就連走位位置都記得一清二楚，令APink順利完成成首歌嘅綵排。

條片公開之後，網民都忍唔住拍晒手掌，大讚經紀人比專業更專業，仲叫APink要好好對待經理人添。