現年37歲嘅韓劇《紳士的品格》女星金荷娜，將於今年3月19日跟年輕一歲嘅企業家男友結婚，而將為人妻嘅佢早前接受訪問時就大談理想婚禮，不過就表示近期忙於宣傳新片《不要忘記我》而未有時間準備婚禮。

金荷娜於訪問時表示：「依家忙於宣傳《不要忘記我》，冇心思準備婚禮，完成宣傳活動後先會開始籌備婚禮。」

金荷娜亦透露：「我小時候就幻想過婚禮，於電視劇及電影多次扮過新娘，感受到愛嘅溫暖，從中學到好多。我成日諗，男同女要點做先能令對方感受到愛，而我對婚禮亦存有好多幻想，即使到依家都仲係。」

金荷娜表示婚後唔影響演員活動，只係心情會變得更安定，更有安全感：「結婚唔會影響演技，但我係演員，依唔同作品，心態應該會不一樣。即使係咁，有咗老公會比較有安全感，對演戲多多少少有啲幫助吧。」