自由黨主席田北俊聲言直選，但最終係咪去馬始終像霧又像花，據聞黨內唔少人對此持觀望態度，事關田少去年反對23條匆匆立法嘅人氣，未必可維持到今年九月，隨時重蹈飛哥覆轍。
事態發展有待，不過田少就未有鬆懈，噚日率先喺中總開咗個「黨務大會」，有成八十幾人出席，據稱會上人人踴躍表態，拍心口話會做義工幫田少助選，有人重話可以班到一百幾十個街坊落手落腳，若然冇人甩底，田少真係想輸都難。
田少今次初試啼聲直選立法會，據聞已內定選戰經驗豐富嘅九龍城區議員蔣世昌做選舉經理，側聞黨內黨外對呢個「夢幻組合」寄予厚望。



傳真︰2623-9278
電郵︰[email protected]