韓國人氣編劇洪氏姊妹（洪貞恩、洪美蘭）新作《和遊記》將於23號喺tvN首播，新劇由退伍男星李昇基扮演孫悟空、車勝元飾演牛魔王、吳漣序演唐三藏、FT Island嘅李洪基飾演豬八戒。

繼早前公開長版預告後，劇組今日公開「豬八戒」李洪基新劇照，當中衣著時尚嘅李洪基神色緊張地現身街頭，似乎係偷偷觀察某人嘅行蹤，而李洪基更公開佢嘅豬鼻，又可愛又搞怪嘅樣，成功引起劇迷關注。

李洪基於劇中飾演豬八戒，同時亦係韓國花美男巨星「P.K」，係一個靠吸取女人精氣嚟提升妖力嘅角色，後來被「唐三藏」吳漣序收服成為其徒弟，又視「孫悟空」李昇基為大哥。不過於預告片中，李洪基就表示自己愛上吳漣序，未知最後三師徒嘅關係會發展成點呢？

另外，李昇基於Instagram公開拍劇時嘅花絮照。

更多韓流，喺晒《娛果》
http://fb.com/appledailyent