今期《壹週刊》訪問信報「投資者日記」專欄作者曹仁超,成篇訪問妙趣橫生,不容錯過。八方先同大家分享一啲精采片段。
「寸」足股壇三十年嘅老曹,相信唔使八方多介紹,李超人、陳四萬、鄭大班、小甜甜等花名,始作俑者都係佢。不過,十二月六日老曹聽見《蘋果》頭版寫佢,話自己即刻心頭一凜、冷汗直標:「死喇!我唔知衰乜……」原來係好事,佢獲頒國際會計師公會「股壇名嘴」獎。
除咗俾《蘋果》嚇一跳,佢亦俾董建華嚇親,話說,二十年前老曹同一個朋友輸賭,分頭去游說兩大船王,放棄航運轉投地產。老曹失敗咗,因為佢叫董建華收購置地。阿董當年答話,家族生意不可改;佢老友勸說嘅包玉剛就醒得多,真係收購咗九倉,棄舟登陸改營地產。
後來阿董做埋特首,老曹先知大鑊:「咁死牛一邊頸嘅人做特首,我腳都軟埋!」
傳真︰2623-9278
電郵︰
[email protected]