胡定欣今日以吊帶中空貼身裙到九龍灣，為居酒屋擔任開幕嘉賓，佢即場協助師傳製作寓意幸福吉祥嘅「惠方卷」。現正忙於舞台劇排練，兩周後便正式公演，完成演出後，定欣終於等到期待以久假期，她說:「上年同爹哋媽咪一齊去大阪京都玩，媽咪之後已經問下次去邊度，今次應該會去日本北海道，見到佢哋咁開心，去邊度都得。」 劇集出街後，定欣承認帶嚟唔少搵錢嘅機會，所以排練期間都抽時間搵錢。

今次劇集負責唱主題曲，亦係佢首次主唱自己有份演出劇集，希望可以帶來更多演出機會， 對於菊梓喬唱片尾曲大鑊好評，佢話:「我一向都覺得佢唱得好。」雖然廚藝並非好，佢亦有興趣參加《美女廚房》，佢笑住話:「我未至於係地獄，自己比較叻係煲湯，如果參加都會諗番平時媽咪同嫲嫲點樣煮餸。」

精選娛聞，喺晒《娛果》
http://fb.com/appledailyent