動畫電影《迷你兵團》（Minions）今年夏天熱爆全球，先是美國7月開畫時已票房報捷，以1.15億美元（約8.9億港元）成為當地票房榜首，更成美國動畫史上周末最高開畫票房嘅第二位，排在《史力加3》（ShrektheThird）之後，累積更達3.2億美元（約25億港元）。

影后珊迪娜布洛（SandraBullock）參與配音嘅《迷你兵團》，過去兩個月全球票房出奇地好，目前全球總票房超越10億美元（約78億港元），同《狂野時速7》（Fast&Furious7）及《侏羅紀世界》（JurassicWorld）睇齊，係今年能夠衝破10億美元大關嘅三部環球出品電影。

同時，《迷你兵團》亦已攀登上最賣座嘅動畫電影第三位，成績僅次於《魔雪奇緣》（Frozen）同埋《反斗奇兵3》（ToyStory3）。