公開出櫃，需要好大勇氣！卓林幾時知道自己喜歡同性？

卓林說：「around六年級，其實我不嬲都知嘅，我諗番起我細個，幼稚園時我有個女仔朋友，我哋成日都話拖吓手，但由頭到尾都唔知。到我六年級，發現嗰個女仔開始話鍾意邊個邊個，或開始搵男仔，但我冇嗰個感覺，反而覺得女仔吸引我喎。其實我一早有嗰個感覺，come out過程，同接受我自己嗰時，其實係好多難處，我嗰時都驚傳媒，呢啲比較具爭議性，我自己都會怕，我比較會匿埋。」

吳綺莉曾說過「個女以前同男仔拍拖」，卓林坦言是投媽媽所好，她說：「其實我都有帶女仔返屋企，阿媽都唔知？哈。我迫自己試過一次，呢個係做畀我阿媽睇，嗰時都委屈我自己，比較辛苦。好短呀......唉，我扮嘢之嘛，我想坐喺阿邊個隔籬呀，係呀係呀，我鍾意佢，佢頭髮幾好呀。」

媽媽一直未能接受Andi？卓林說：「我見過佢喺傳媒上講，你哋appledaily，『唔講喇，唔講喇！』我覺得佢喺傳媒上面唔敢講，但我又覺得佢係一個好傳統嘅女人，佢比較難去接受。佢send message都話：『你同你個朋友講』，唔會話：『你同你太太講』，佢（Andi）係我呢個世界最愛嘅人，我阿媽係我阿媽，個個細路都希望佢阿媽可以接受佢嘅伴侶，我覺得呢啲要慢慢長時間去接受，可能突然間太shocking，接受唔到改變，所以畀啲時間佢。當然我係想佢接受嘅，但係慢慢嚟啦，冇嘢係可以迫嘅。」

採訪﹕嵐山、黎沐風
攝影﹕陳俊強
攝錄﹕廖達燊、仇志中

精選娛聞，喺晒《娛果》
http://fb.com/appledailyent