話咗㗎啦，Facebook一早講咗會整頓假新聞，但係藍絲們又唔聽，好喇，而家卒之搞到親中網媒《點新聞》嘅專頁冇咗，但係親中網媒生命力頑強、死唔斷氣，轉個頭改名又嚟過。

Facebook喺上個月移除咗一啲來自中國、有組織嘅非真實散佈行為，包括7個專頁、3個群組、5個帳戶，尋日仲連警方嘅篤灰熱線都移除埋，不過好多香港人都熟悉嘅親中網媒冇事。但係一次冇事，唔代表以後都冇事。今朝香港資訊科技商會榮譽會長方保僑就發現《點新聞》嘅專頁已經被收工。

八方即刻上Facebook搵吓，發現真係404咗，頂多只能夠用Google懷念吓。不過隔咗幾個鐘，網民已經發現《點新聞》未死得，係咁易加長咗個名變成「點新聞 dotdotnews」又嚟過，仲要出po發爛渣話自己被滅聲。

其實親中網媒當中，《點新聞》都未算最出名嗰堆，《港人講地》、《HKG報》、《橙新聞》、《堅料網》等仍然健在。《點新聞》曾經因為獨家訪問聲稱被梁天琦襲擊嘅《大公報》記者而開始上位，但隨即被揭發IP地址同《文匯報》相同，被視為《文匯報》嘅分身。

不過，到咗今日下晝《點新聞》 就開咗一個新專頁，果然係生命力頑強！

-----------------------------

9.15民陣遊行

日期：2019年9月15日
時間：下午3時起步
起點：銅鑼灣東角道
終點：遮打道行人專用區

*獲反對通知書，民陣上訴失敗
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港