鄭俊弘今日喺北角出席慈善活動，即場表演，同埋派褔袋俾老人家，現場有吳君如父母及葉尚華夫婦。鄭俊弘話今日係同阿媽出席活動，佢平時鍾意同長者傾偈從中學習：「以前阿公未走，我會聽佢講以前由鄉下去金山生活，跟住做廚房，仲會講第2次世界大戰嘅事，佢好勁，喺外國生活及開枝散葉。」

現時外婆居住溫哥華，鄭俊弘會每年探訪，外婆知佢同何雁詩拍拖，但冇催婚，鄭俊弘話：「外婆只係會叫我注意身體健康，叫我飲少啲凍嘢。」問到未來孫新抱有冇見面？佢話：「冇，未有機會。」稍後，外婆會回港探望曾孫。另外，鄭俊弘後日出發到馬來西亞工作，女友唔會同行。

精選娛聞，喺晒《娛果》
http://fb.com/appledailyent