特首林鄭月娥「好打得」呢個名，絕非浪得虛名，至少人人一日得嗰24粒鐘，佢就好似永遠有額外雙倍時間用，今日由早到晚連走三場，休息兩個字，好似唔多可以應用喺佢身上。

佢朝早首先出席喺會展舉行嘅第二屆一帶一路高峰論壇致辭，都係讚下香港可以為一帶一路帶來巨大貢獻；中午則喺香港X科技創業平台舉辦嘅青年科技創新創業論壇致辭，期間搞GAG話自己「今天（噚日）係一個學生來交功課」，表明政府會大力推動科研發展。

傍晚則出席香港中華出入口商會國慶酒會，期間與前任特首梁振英同台，兩人仲並排而企，全程卻冇乜交流，唔知有啲乜因由？