當年今日
關於我們

【大奶奶呢?】縮胸周秀娜現真身 冇胸因為搭太多長途機?

蘋果日報 2017/09/29 16:15

周秀娜縮胸娜姐大奶奶拆彈

本來只係去旅行叉叉電曬下太陽順便晒身材,點知一晒晒咗胸前肋骨,大奶奶唔見咗,搞到Paul哥秦沛都要四圍搵。
究竟娜姐發生咩事搞到胸前深溝變胸前小渠,真係令人好想知好想知。佢之前喺ig就解釋謂因為拍戲要減磅,所以食得好清淡。今日娜姐真人現身,真人解話。
今日娜姐、何弘軒、陳蕊蕊等到尖沙嘴iSquare出席第八屆Your Choice香港白領最喜愛品牌大獎頒獎禮,佢話啱啱由峇里返香港幾日,曬到一嚿炭咁返嚟,甩晒皮。
傳媒就問娜姐:咁,最重要嘅咪咪,有冇甩皮?
娜姐笑言:「咁又冇。去啲水上活動,都會著啲安全為主嘅救生衣。」但你身形真係過瘦喎……
娜姐就話喇:「因為前一排要拍戲開工,不斷接工作,又成日搭長途機……」咪住!搭長途機同縮胸唔係有關係嘛?
聽埋娜姐講先啦,佢話:「其實我自己都想清減啲。」哦。
咁即係上圍有冇縮水?「咁又冇,只不過係件泳衣cutting唔同。我又唔係機械人,唔同泳衣著出嚟自然有唔同效果。」娜姐強調上圍絕對唔會亦唔係縮水,仲話好鍾意嗰件粉紅色泳衣(即係令佢唔見咗個胸嗰件):「我著咗出嚟都好開心!」又話坐船嗰陣都嘔咗幾次。
返到香港,娜姐將準備拍時裝劇。對於網民話佢太瘦,娜姐竟然話大家「大驚小怪」:「可能你哋太耐冇見我啦!唔係好慣,只係見到我塊面(指社交網),好少見到我嘅身體囉。」
empty
empty
娜姐本來只係去旅行叉叉電曬下太陽順便晒身材。(IG圖片)
empty
(IG圖片)
empty
點知一晒晒咗胸前肋骨,大奶奶唔見咗,搞到Paul哥秦沛都要四圍搵。(IG圖片)
empty
(IG圖片)
empty
究竟娜姐發生咩事搞到胸前深溝變胸前小渠,真係令人好想知好想知。(IG圖片)
empty
(IG圖片)
empty
佢之前喺ig就解釋謂因為拍戲要減磅,所以食得好清淡。(IG圖片)
empty
今日娜姐喺香港現身。(攝影:仇志德)
empty
佢話:「其實我自己都想清減啲。」