日本女星戶田惠梨香參演富士電視台人氣劇系列《Code Blue 3》，日前播出第9集仍保持13.9%收視，戶田近日偕同劇女星新木優子亮相TOKIO主持嘅綜藝節目，二人玩遊戲期間，戶田突然大談自己嘅撞鬼經歷，令錄影廠突然氣氛一轉變得陰森恐怖。

戶田透露人生首次見鬼時正就讀中學二年級，當日佢同一個女同學行經一楝大廈地面嘅停車場，佢驚見一具女屍被吊起，滿身鮮血，此時旁邊同學都望見並立即尖叫，點知轉眼呢具吊頸女屍在二人眼前消失，戶田當時才知道同朋友應該係見到「污糟嘢」。戶田突然鬼王上身，繼續公開自己近期遇到好多靈異事件，佢就話搭的士當轉彎抵達目的地，司機停低時，佢發現窗外有個踩單車男人竟一剎那間消失，戶田表示同一經歷已有兩至三次，之後佢行經同一地點時，卻發現路旁放有鮮花祭祀，令TOKIO成員聽得十分心寒。